يوما ما

يوماً ما ساحكى لأولادى عن ليلة الرابع من أبريل , للعام 2013

سأحكى لهم , كيف كنت أستعد للنوم فى فراش جدتى و الأبتسامه ترسم وجهى من الخد الى الخد , و فجأه تخيلت السيناريو الأتى

فى نفس الفراش , لكننى لن أكون أستعد للنوم , سأكون فى الفراش بجانب أبنى و بنتى أساعدهم على النوم عشان بيخافوا يناموا لوحديهم بالذات ان مامتهم مسافره , مامتهم فى أمريكا , بتحضر حفل أفتتاح متحف مش عارف أيه , بعد ما كانت المسئوله عن أعاده ترميمه بعد ما الفيضان غرقه و طبعا رئيس أمريكا هيكرمها , أنا كالعاده معرفتش أسافر عشان الشغل و كده 🙂 فقررت انى انا الى هقعد بالاولاد المره ديه , و طبعا بعد ما قعدت أكركب فى المطبخ و عملتلهم عشاء , دخلوا ناموا , و بعدين قعدوا ينادوا “papi papi تعالي نيمنا عشان خايفين” فقعدت نفس النومه الى كنت نايمها فى ليله الرابع من أبريل , و بدأت أسرح بخيالى أفتكر الأيام القديمه , و أزاى كنت مبسوط فى 4\4\2013 بسبب أمهم , الى كانت السبب فى كل نجاح و ضحكه فى حياتى , وفجأه قطع حبل أفكارى , رنه تليفونى , ألووو أيوه يا حبيبى , أيه الدوشه ديه يا حبيبتى , معلش أصل الmusic عاليه أوى , والدنيا بتمطر بره فمش عارفه أكلمك من برا , وكمان الرئيس قرب يوصل ففى أجرائات أمن جامده طمنى على الولاد و عليك , عاملين أيه من غيرى كويسين , أكيد وحشتكوا , أكييد طبعا احنا ولا حاجه من غيرك , لا يا حبيبى متقولش كده , على فكره أنت وحشتنى ..و أنتى كمان وحشتينى , يلا أدينى الولاد أطمن عليهم عشان لازم أقفل بسرعه , ألووو هاي ازيك يا مامى , وحشتينا أوى أرجعى بسرعه , خدى أختى عايزاكى , مااااامى , أخويا بيضربنى , تعالى بسرعه , و هاتيلى معاكى الdress الpink بتاع باربى ,,باى باى بحبك

و قلتلهم هقولكم حدوته , حكيتلهم أزاى الشاطر حسن لفتت عينه ست الحسن , و أزاى الأميره شهرزاد أحلى بنات الكون , غيرت شكل الدنيا و خلت لدنيته طعم و لون

بس كده خلصت الحدوته , وقام الشاطر حسن كتب الحدوته , و شرب سجارتين و دخل نام

قبل ما أخلص: عارفين أيه أخر كلمه قلها الشاطر حسن لأبنه و بنته , “عارفين مين ست الحسن الى قاعد أحكيلكم عنها , الى قعدت أحلم بيها من حوالى 15 سنه ؟؟؟ ست الحسن ديه مامى يا ولاد , مامى , الى عمرى ما حبيت ولا هحب زيها , مامى الدكتورة ه.ج.ك

Advertisements

One thought on “يوما ما

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s